Nxënësit dhe këshillat e shkollave trajnohen për parandalimin e ngacmimeve dhe mbrojtjen e fëmijëve prej tyre në shkolla
16.10.2013Ferizaj 11 tetor- Organizata Joqeveritare Syri i Vizionit ka filluar mbajtjen e trajnimeve për mbrojtjen e fëmijëve nga ngacmimet në shkollat fillore Zekeria Rexhanë Gjakovë, Tefik Çanga dheJeronim De Rada në Ferizaj, ku kanë marr pjesë nxënësit dhe këshillat e shkollave më çrastë janë njoftuar më format e ngacmimeve që fëmijët mund të kenë qenë apo mund të jenë viktimë të kësaj dukurie, si dhe për mënyrat e mbrojtjes nga ngacmimet.
Qëllimi i këtyre trajnimeve është krijimi i një ambienti më të sigurt për fëmijët, të cilët vijojnë mësimin në këto shkolla, duke ndihmuar ata në ngritjen e vetëdijes mbi ngacmimet dhe format e saj si dhe parandalimin e kësaj dukurie në këto shkolla.
Trajnime të tilla do të mbahen edhe në shkollat fillore Bedri Gjina dhe Andon Zako Çajupi në Mitrovicë si dhe në shkollën fillore Xhemail Kada në Pejë.
Këto trajnime janë pjesë e programit Together 4 children rigts- Childprotection and Child Right Governance, që është duke u implementuar nga Organizata Joqeveritare Syri i Vizionit nga Peja, mbështetur nga Save the Children International dhe SIDA.
Projekti ka për qëllim të ndihmojë fëmijët, shkollat dhe organizatat e ndryshme në mbrojtjen e fëmijëve nga dhuna, ti shndërrojë shkollat në vende të sigurta për fëmijët dhe të ndihmojë krijimin dhe forcimin e mekanizmave për mbrojtjen e fëmijëve.
Projekti implementohet në tetë shkolla në katër komuna: shkollat filloreRamiz Sadiku dhe Xhemail Kada në Pejë, Mustafa Bakia dhe Zekeria Rexha në Gjakovë, Tefik Çanga dhe Jeronim De Rada në Ferizaj,dhe Bedri Gjina e Andon Zako Çajupi në Mitrovicë, në periudhën nga maji deri në dhjetor2013.