Fëmijët takohen me Avokatin e Popullit

E hënë, 20 tetor- Një grup i fëmijëve nga komunat e ndryshme të Kosovës janë takuar me Avokatin e Popullit z. Sami Kurteshi, dhe kanë kërkuar nga ky institucion që fëmijët të jenë pjesë e vendimmarrjes dhe që zëri i tyre të dëgjohet nga ana e institucioneve të Kosovës.

Ky aktivitet është zhvilluar në kuadër të “Javës kundër dhunës ndaj fëmijëve” që organizohet si pjesë e projektit “Së bashku për të drejtat e fëmijëve”, implementuar nga Syri i Vizionit në partneritet me Save the Children në disa komuna të Kosovës.