Në Pejë po implementohet projekti Support to education in Peja Region
23.10.2015
Pejë, 23 tetor- Gjatë muajit shtator dhe tetor në Pejë Syri i vizionit është duke implementuar projektin Support to educationin Pejë Region. I mbështetur financiarisht nga ADA Austriake, projekti ka për qëllim të ndihmojë mësimdhënësit dhe nxënësit e Shkollës së mesme ekonomike Ali Hadri, në përmirësimin e mësimdhënies në këtë institucion. Ata kanë pasur vazhdimisht mungesë të teksteve për mësimdhënie në lëndët e hotelerisë dhe turizmit. Projekti i mbështet mësimdhënësit e kësaj shkolle në hartimin e librave-doracakëve të nevojshëm në procesin e mësimdhënies në këtë shkollë, që do jenënë dispozicion të nxënësve që në gjysmëvjetorin e parë të këtij viti shkollor.
Në bashkëpunim edhe me Drejtorinë Komunale tëArsimit në Pejë një ekip i ekspertëve të jashtëm është angazhuar bashkë me profesorët në hartimin e teksteve. Gjatë muajit nëntor do përfundohen tri tekste: Organizimi i punës në hoteleri nën përgjegjësinë e msc. Teuta Kryeziu, Shërbimi në hoteleri nga Mustafa Camaj dhe Organizimi i ndërmarrjes hoteliere nga Agon Hoxhaj.