Përmirësimi i komunikimit me strukturat komunale në rajonin e Pejës
07.10.201106 tetor 2011- Me qëllim ngritjen e transparencën, demokratizimin si dhe përmirësimin e komunikimit mes organeve komunale dhe komunitetit serb, Experimental Studio Group (ESG) të enjten në lokalet e Radio Gorazhdecit ka organizuar tryezën e rrumbullakët me temën Pozita e komunitetit serb në komunën e Pejës. Në këtë takim kanë marrë pjesë autoritetet e Komunës së Pejës, Policisë së Kosovës, Agjensionit Kosovar të Pronës, OSBE-së dhe përfaqësuesit e fshatrave serbe Gorazhdec, Bellopojë, Brestovik dhe Levoshë. Në diskutimin ata kanë diskutuar problematikat që kanë komuniteti dhe institucionet përkatëse lidhur me komunitetin serb në Pejë në dy pika: çështjet e sigurisë dhe procesin e kthimit e problemet pronësore.Takimi është mbajtur në kuadër të projektit Përmirësimi i komunikimit me strukturat komunale në rajonin e Pejës që implementon ESG me financim nga Syri i Vizionit në kuadër të projektit Serbs Inclusion action plan through active Citizens Participation mbështetur nga Olof Palme Center.