Fëmijët dhe mësimdhënësit trajnohen në adresimin dhe mekanizmat e mbrojtjes së fëmijëve nga dhuna
21.10.2013Mitrovicë, Ferizaj 21-28 tetor- Organizata Joqeveritare Syri i Vizionit ka mbjatur trajnim me nxënësit dhe këshillin e shkollës fillore Andon Zako Çajupi në Mitrovicë dhe "Jeronim de Rada" në Ferizaj për adresimin dhe mekanizmat e mbrojtjes sw fëmijëve nga dhuna në shkollë.
Qëllimi i këtij trajnimi është krijimi i një ambienti më të sigurt për fëmijët, të cilët vijojnë mësimin në këtë shkollë, duke ndihmuar ata në ngritjen e vetëdijes mbi mekanizmat ekzistues pwr parandalim të dhunës dhe format e adresimit të dhunës në këto mekanizma.
Trajnime të tilla do të mbahen edhe në shkollat fillore Xhemail Kada në Pejë, Zekeria Rexha në Gjakovë, Tefik Çanga dhe Jeronim De Rada në Ferizaj dhe Bedri Gjina në Mitrovicë
Këto trajnime janë pjesë e programit Together 4 children rigts- Childprotection and Child Right Governance, që është duke u implementuar nga Organizata Joqeveritare Syri i Vizionit nga Peja, mbështetur nga Save the Children International dhe SIDA.
Projekti ka për qëllim të ndihmojë fëmijët, shkollat dhe organizatat e ndryshme në mbrojtjen e fëmijëve nga dhuna, ti shndërrojë shkollat në vende të sigurta për fëmijët dhe të ndihmojë krijimin dhe forcimin e mekanizmave për mbrojtjen e fëmijëve.
Projekti implementohet në tetë shkolla në katër komuna: shkollat filloreRamiz Sadiku dhe Xhemail Kada në Pejë, Mustafa Bakia dhe Zekeria Rexha në Gjakovë, Tefik Çanga dhe Jeronim De Rada në Ferizaj dhe Bedri Gjina e Andon Zako Çajupi në Mitrovicë, në periudhën nga maji deri në dhjetor 2013.